قصيده ناااار::ختيار راح وختيار اجا::::....من الاخر

بسم الله الرحمن الرحيم

تفضلو اخواني ..اقرأو ..واعطوني رأيكم..

طبعآ القصيده تصف حال السلطه ...وصف جبار..

..............

راح ختيار ... وأجا ختيار
******************

راح ختيار وأجا ختيار

راح مكّار وأجا غدّار

وما شفنا غير الدمار

شرّبونا الذل والعار

ما بِخْتِلفوا عن التتار

ما هُمّة الأبَوات كثار

رافعين لي مليون شعار ..

ومن هالخَمّة عِدّ وخربِط

كل واحد بالكرسي مْقَرْبِط

هذا (عباسي) وهذا (دحلا ني)

والأول أظْرَط من الثاني

وابو قريع وابو طقيع

وحق العودة برسم البيع

مش مهم إن كان دولارات

إسترليني أو شيكلات

إلمُهم الدفع كاش

ما في خيانة ببلاش

هذا شعارهم

وهذا نضالهم

وبِظَل الحبل عالجَرّار

وراح ختيار وأجا ختيار
****************

ومن يوم ختيارهم ما مات

وكل يوم إلهُم اجتماعات

ومجهزين الترتيبات

تا يِقْتِسموا الدولارات

ناس بتخطط

وناس بتزبِّط

ناس بترسم

وناس بِتْقَسِّم

إلِي مليون

وإلَك مليون

هاي السرقة يابني فنون

لسّاتك لص إزْغَنّون

روح اتعلم كيف تْقُص

رقبة شعبك من النُّص

هذي شطارة

وهذي مهارة

ما بتْقِنها غير مَكّار

وهيك علمنا الختيار

من ساعة ما كنا زغار..

ولما كنا مَعُو بْنِسْكَر

على جثث تل الزعتر

كان يقول وبإيدُو المَزّة

إلزعلان يشرب من غزة

واللي ما بسرق أصْلُو حْمار

وراح ختيار وأجا ختيار
****************

لكنْ شعبك يا فلسطين

لا يمكن يوم يستكين

ورح يعلنْها للملايين

ورح يطرد لِنْتهازيين

ورح يعلنها عالمكشوف

(سُلطاوي) ما بدّو يشوف

يوم نهيبة .. ويوم تَجاوُز

قرفنا من كل الوَزاوِز

و عِدّ وخرْبِط يا تاريخ

بلا سُلطة .. بلا بطيخ

بدنا رجال يكونوا نْظاف

وطنيين أحرار وأشراف

ما بدنا هَلْس وزُعران

لا عباس ولا دحلان

ما بدنا واحد جزار

عَشَرَف بلاده ما بِغار

عالكاباريهات كَرْت فَرّار

ونايم عطاولة القمار

بدنا ازْكُرْتِيّة ورجال

ما بدنا غير الأبطال

وبعد الليل بيجي نهار

وبعد الغيم بتيجي امطار

وما بصير أكثر ما صار

وغار ختيار وأجا ختيار

ماشاء الله ,, قصيدة اعجز من وصفها لجمال كلماتها

فهي تعرض جزء بسيط من الواقع ,, حسبنا الله ونعم الوكيل

الله يوفقك حبيبتي نسيم على هذا الطرح

جزاك الله خيرا

جميلة هذه القصيدة اخيتي نسيم الهدى

ولو انها تحكي ذرة من كثبان الواقع

لك جزيل الشكر على طرحها

هههه
والله قصيدة بتجنن
بارك الله فيك نسيم الملتقى ع لابداع الي طرحتي

نسيم الفجر

جزيت الخير الكثير عزيزتي لمرورك

عاشق غزة الصمود

الشكر موصول لك اخي لمرورك

سحر داؤود

بوركت عزيزتي على المرور العطر

بارك الله فيكي على القصيدة الروووعة

اسيرة الأحزان

مرورك هو الأروع عزيزتي

ههههههههههههههههههههههه

قصيدة جميلة سلمت اناملكى اختى نسيم الهدى

حسبى الله ونعم الوكيل عليهم

شكرا اختي هدى على المشاركة الجميلة بتيجي على الجرح تماماوبتلخص حالة السلطة
وانشاء الله عقبال ما يلحقوا ختيارهم على جهنم وبئس المهاد

والله قلق

الله يسلم لسانك وقلمك خيتو

هيك الحكى ولا بلااااااااش

ضيف المعارك

بورك مرورك أخانا الفاضل

سيف الاسلام

الشكر لك أخي لمرورك الذي أنار متصفحي

المرابطة

سلمك الله من كل مكروه

» كي نرى الجانب الاخر‎
» قصيده ابن تيمية (مؤثرة)