الحلقة الاخيرة من برنامج مدرسة الحب بعنوان "البداية "

العهد:
نعاهدك يا رب اننا زي ما اتعلمنا ازاي نعرف صفاتك من تصرفاتك من خلال طلبة
مدرسة الحب على مر العصور، اننا هنكون عباد ربانيين نتخلق بأخلاقك وهنكون-
على قدرنا البشري- بأخلاقنا وتصرفاتنا ومفاهيمنا خلفاءك في كونك.

أنا متأكد اننا لما أعدنا افتتاح مدرسة الحب دخل فيها شباب وبنات، ورجال
وسيدات عرفوا ربنا أكتر، وحبوه أكتر، وأخذوا نية التخلق بأخلاق ربهم حبيبهم
على قدرهم البشري..

هنتواصل معاكم ان شاء الله من أول شهر أكتوبر عشان مشروع مدرسة الحب..

ماتنسوش المناجاة كل يوم زي ما اتعلمنا مع بعض..

يا رب تكون الحلقة عجبتكم، في انتظار رأيكم فيها

شاهد الحلقة

[ندعوك للتسجيل في المنتدى أو التعريف بنفسك لمعاينة هذا الرابط]

مما جاء في الحلقة

البدايــــــة...

العهد:
نعاهدك يا رب ان نكون عباد ربانيين
نتخلق بخلاقك. يا رب احنا كلنا، شباب وبنات، ورجال وسيدات ندخل مدرسة الحب
ونتعلم صفاتك عشان نعرفك أكثر ونحبك أكثر ونكون- على قدرنا البشري- قرآنان
يمشي على الأرض، يعني عباد نتعامل مع بعض بصفاتك. يا رب عايزين نعرفك مش بس
يكون عندنا معلومات في الدين وفي الشرع من غير مردود على سلوكنا
وأخلاقنا... أول دفعة من خريجي مدرسة الحبالبوم تخرجنا من مدرسة الحب، شباب
عندهم طموح لأنهم شافوا الله القدير، فأصبحوا نافعين عشان شافوا صفة الله
النافع، أغنياء كرماء شافوا ربنا الكريم الذي أغناهم وكرمهم بالمال فقراء
ناجحين شافوا الله الغني الذي أغناهم في كل شئ وإن لم يعطيهم المال.

التخرج:
تخرجنا عباد ربانيين متخلقين بأخلاق
الله على قدرنا البشري ولله المثل الأعلى: تخيل انك عايش في مملكة كل حاجة
فيها مخلوقة علشان ملك المملكة دي بيعرفك بنفسه. خلق لك الله الملايين من
أنواع الزهور عشان يعرفك أنه بديع. خلق لك ناس أخلاقهم كويسة عشان يقول لك
انا بحب الأخلاق دي وعايزك تكون أخلاقك زي الناس دي، وخلق لك ناس أخلاقهم
مش كويسة عشان يقول لك انا مش بحب الأخلاق دي ومش عايزك تكون كده ربنا عايز
مننا ايه؟ ربنا يريد مننا اننا نعيش في سلام وأمان. وده مش هيتحقق غير لما
نصلح عيوبنا، وعشان نصلح عيوبنا لازم نعرف ربنا عشان نحبه أكتر ونتعلق
بيه. ولما نتعلق بيه هنعرف انه بيحبنا وهنحقق مراده مننا اننا نحب بعض،
ونخاف على بعض، ونحترم بعض ومانظلمش بعض...

إلى كل طلبة مدرسة الحب!!
يللا يا كل طلبة مدرسة الحب، اثبتوا لنفسكم ولكل الناس ان في ناس بجد هم
أهل الصح لأن أهل الصح هم أهل الله. أروا الناس ان في طلبة بجد عندهم صدق
وعندهم كل الأخلاق الحلوة اللي بتفكرهم بربنا.
احنا قدوتنا النبي صلى الله عليه
وسلم، أهل الشر قدوتهم مين؟ يللا محدش يأثر علينا تاني من أعداء النجاح،
اللي بيحقد عليك وبيهبط من عزيمتك وبيقول لك مفيش فايدة ده حد مش عايز
يشتغل ومتعلمش زى ما انت اتعلمت
. انت عبد رباني
راقي يتخلق بأخلاق الله، آن الأوان ان احنا اللي نكون متعلمين ومؤثرين في
الناس بالخير ولا نلتفت لمن يحاول التأثير علينا بالشر والإحباط، ومحدش
فينا هيقول تاني اني بحاول ابقى كويس بس الناس بتأثر عليا بالسلب. يللا يا
كل طلبة مدرسة الحب أروا الله من أنفسكم خيرا، تأييد ربنا معاك، ربنا
بيحبك...يللا انت كمان اعرفه أكثر عشان تحبه أكثر

كُن عبداُ ربانياً يتخلق بأخلاق الله..

الله يسلم ايديكي حبيبتي على هالموضوع (مدرسة الحب )انا من جهتي كتيير استفدت منه بأشياء
ويسعدني اني أكون اول المعلقين على متصفحك

الله يا رب يخليك دااايما سعيدة

وانا في قمة السعادة لانك استفدت

وكيف الحلقة ان شاء الله عجبتك

يعطيكى العافية

ويجزيكى كل خير اختى لما تقدكى لنا اختى بنت الخطاب

سلمت اناملكى

جزيتى خيرا اختى على ما تقدمين وتطرحين

ويعطيكى العافية على المجهود الطيب

ضيف المعارك

أسيرة الاحزن

مشكوران كل الشكر

مروركم اسعدني وانار صفحتي

» تتر بداية برنامج مدرسة الحب
» افتتاح مدرسة الحب
» شارة البداية جريندايزر mp4 كرتون قديم
» كتاب اسرائيل البداية والنهاية PDF للدكتور مصطفى محمود رحمه الله
» شوفو صورة البنات الحصة الاخيرة ^_^