السلام عليكم ورحمة الله وبركاته
شفنا حُجة الإسلام أبي حامد الغزالي ازاي شاف الله الهادي وهو
بيبعت له رسائل انه عايزه وبيحبه، فرجع لله بكل صدق وقفل كل الأبواب اللي
بتوديه على حب الظهور عشان يرجع لربنا بجد وبصدق...
شوفوا كلام الغزالي بيدل قد ايه هو شايف انه لا حول ولا قوة إلا بالله وان الله الهادي هو الذي يفعل كل شئ؟!
إني لم أتحرك ولكنه حركني، وإني لم أعمل ولكنه استعملني ولكني اؤمن
إيمان يقين ومشاهدة أنه لا حول ولا قوة إلا بالله لعلي العظيم؛ وأني لم
أتحرك، لكنه حركني؛ وإني لم أعمل، لكنه استعملني؛ فأسأله أن يصلحني أولاً،
ثم يُصلح بي، ويهديني، ثم يهدي بي؛ وأن يريني الحق حقاً، ويرزقني اتباعه،
ويريني الباطل باطلاً، ويرزقني اجتنابه
يارب تكون الحلقة عجبتكم، في انتظار رأيكم فيها..
الواجب العملي لحلقة الليلة من برنامج مدرسة الحب
أولا: المناجاة وهي جزئين
1- ناجي ربنا بلغتك، بلهجتك، قول له يا رب انا شفتك يا هادي، شفت ازاي
انت يا رب ارسلت لي رسايل تقول لي انك بتحبني، وانك عايزني، دلوقتي
استوعبت المشاكل اللي مريت بيها اللي كنت بتهديني فيها إلى عيوبي عشان ارجع
لك يا هادي...
2- اوعدك يارب اني هكون عبداً ربانياً مجادهاً، هجاهد شهواتي يا رب وارجع
لك بصدق يا رب. يا رب ساعدني أقفل الأبواب اللي بتوديني لشهواتي، يا رب
ساعدني اني أشاهد صفاتك في تصرفاتك عشان اشيل عيوبي من نفسي واحط مكانها
أخلاقك على قد ما اقدر يا رب. يا رب ساعدني أكون عبداً ربانياً مجاهداً
ثانيا: أنت مين فيهم؟
عايز تعرف انت قد ايه شبه الغزالي في مجاهدة نفسه؟ قم بالاختبار الشخصي: أنت مين فيهم؟