اختنا الغالية بنت الخطاب على كرسي الاعتراف

السلام عليــكم ورحمة الله وبركاته

اختنا الغالية بنت الخطاب على كرسي الاعتراف 904125208

صباحكم / مسائكم رحمة وغفران

يسرنا اليوم في كرسي الإعتراف ان نستضيف ضيفة جديدة

ضيفتنا لهذا الآسبوع

شخصية جميلة خفيفة الظل قدمت اروع مالديها

وتميزت في سماء الملتقى القسامي

شخصية جذبت الآخرين

بتواضعها وحسن اخلاقها

هـــي ...!}

][ اختنا الغالية / بنت الخطاب ][

فأمطروها باسئلتكم اختنا الغالية بنت الخطاب على كرسي الاعتراف Icon_queen

اختنا الغالية بنت الخطاب على كرسي الاعتراف Lounge-chair-skin

كيف الكرسي خيتو ان شاء الله ما نعستي اختنا الغالية بنت الخطاب على كرسي الاعتراف Icon_smile

و الان اسئلتي اليك :

1. اسمك ؟
2. عمرك ؟
3. هواياتك؟
4. هدفك في الحياة ؟
5. ترتيبك في العائلة ؟ كم اخوة وكم اخوات ؟؟
6. تقييمك للملتقى ؟ وهل عندك اقتراح لتطويره ؟

لي عودة ان شاء الله

حياكى الله يا عسل

نوووورت الكرسى حبيبتى

وبالنسبة للأسئلة لى عودة أخرى بإذن الله

أتمنى لك إقامة طيبة اختنا الغالية بنت الخطاب على كرسي الاعتراف Icon_biggrin

هلا والله باالاخت بنت الخطاب

منورة الكرسى اختى

خديلك جرعة اسئلة

-ما هو اجمل قسم لديكى فى الملتقى

-من هى اعز صديقة لديكى فى الملتقى

-وشو رايك فى الاخت نسيم الفجر

-كلمة لكل عضومن الاعضاء

ضيف المعارك.....سيف الاسلام....اسيرة الاحزان

المرابطة

-كلمة توجهيها للاعضاء بشكل عام

-كم نتيجتك فى الثانى ثانوى/وادبى ولا علمى

بكفى هيك اليوم

ولنا رجعة ان شاء الله

أهلا بأختي الحبيبة الغالية

بنتـ الخطابـ
على كرسي الاعتراف
أسئلتي ::
1/ما رأيك بأهل غزة بشكل عام ؟
2/ما هو سرلقبك (بنت الخطاب)أو بالاحرى بناء على ماذا اخترتي اللقب ؟
3/كم جزء تحفظين من القرآن؟
4/ما هي أكتر صفة بتحبيها فيكِ ؟ وما أكتر صفة بتكرهيها؟
5/اوصفي نفسك ب 3 كلمات ؟
6/ماهي نقطة ضعفك؟

7/ماهي الطريقة التي تعبرى فيها عن غضبك؟

****
أرجو ألا أكون أطلت عليكِ
في أمان الله

!نسيـم الفجـر! كتب:: مشكورة حبيبتي
ونسأل الله ان نكون عند حسن الظن

كيف الكرسي خيتو ان شاء الله ما نعستي

بقعد ارتاح لأنو انا كتير تعبانة
وحت اليوم شريت اواعي العيد

و الان اسئلتي اليك :

1. اسمك ؟

زينب
2. عمرك ؟

كمان اكم يوم بسيرور 17
3. هواياتك؟

اشوفكم حبيبتي
واجلس معاكم
4. هدفك في الحياة ؟

ارضاء الله سبحانه وتعالى
ومن ثم بعض الاهداف التي تندرج تحته

5. ترتيبك في العائلة ؟ كم اخوة وكم اخوات ؟؟

بالنص ولي 7 اخوات واخ
يعني اخت , اخ , اخت , اخت , أنا , أخت , أخت , أخت , أخت

اما بالتقيمي للمنتدى جيد جدا
وان شاء الله بيسير ممتاز
ان والحمد لله كتييييييييير مرتاحة

أشكرك اختي الغالية نسيم عالافتتاح

ومشكورين جميعا

مشكورة عزيزتي المرابطة

مشكور اخوي ضيف

مشكورة غاليتي عاشقة المجاهدين

اقتباس :: هلا والله باالاخت بنت الخطاب

منورة الكرسى اختى

منور بصحابه الله يبارك فيك

خديلك جرعة اسئلة

-ما هو اجمل قسم لديكى فى الملتقى

كلها جميلة , قسم المواضيع العامة والمختارة
وقسم الحوار وتبادل الاراء

-من هى اعز صديقة لديكى فى الملتقى

بصراحة والله كلكم غاليين ما افرق بينكم
اغلى شي طبعا انت ونسيم الهدى وعاشقة المجاهدين واسيرة
والمرابطة وزهور وسحر ....رح اسميكم كلكم
والله كلكم غاليين

-وشو رايك فى الاخت نسيم الفجر

اغلى الاخوات والصديقات
نور الملتقى

-كلمة لكل عضومن الاعضاء

ضيف المعارك : أخ عزيز وغالي ,
استمر في ما انت عليه
وتذكر من تمنى الشهادة بصدق كتبت له وان مات على الفراش
سأفتقدك كثيرا

سيف الاسلام : الله يبارك فيك , اخ غالي ومميز خفيف ظل
خليك دائما سيف للحق

.اسيرة الاحزان : شو احكي هاي كل الحكي ما بيوفيها حقها
بسكت احسن
خليك قوية اهزمي الاحزان

المرابطة : كم اعزك يا اختي وحبيبتي
دمت لنا ولمنلتقانا الحبيب
وخليك دايما مرابطة

-كلمة توجهيها للاعضاء بشكل عام
اخوتي في الله احببتكم واحببتموني
استمتعت وقضيت اجمل الاوقات بصحبتكم
يعز علي فراقكم
تذكروني بداعئكم
وسامحوني ان اخطأت بحق احدكم

-كم نتيجتك فى الثانى ثانوى/وادبى ولا علمى

لليش الفضايح والله مش كتيير يعني الظروف صعبة
86% علمي

بكفى هيك اليوم

ولنا رجعة ان شاء الله

ان شاء الله

يا جماعة صرلي نص ساعة بكتب بالمساهمة

ما سجلها

آآآآآآآآآآآه هااااااااا اختنا الغالية بنت الخطاب على كرسي الاعتراف Icon_sad

حبيبتي بنت الخطاب كل مشاركاتك ظاهرة وقرأتها وانا مستمتعة

منورة خيتو ,, انتظري المزيد من الاسئلة

بالتوفيق ,, كل التحية لكِ

الله اسئلة خطيرة واجوبة اخطر
بالمناسبة اختي الغالية اسمك
بيعجبني كتير
سسرت بالتعرف على شخصيتك سلاماتي لكي

مشكورات يا اخوات

مشكورة سحورتي
وانا كمان سعدت بك عزيزتي

لا يا نسيم الرد على اسئلة عاشقة ما طلعوا

شفتي النت صرلوا اسبوع بدو يجلطني

مشاركاتك ظاهرة اختى بنت الخطاب

ولكن النت شكله مأثر عليه الصيام ...<حرام عليكوا طعموه>

خدى الك موجة تحقيق ثانية

-لو انتى المدير العام على الملتقى شو كنتى حتغيرى فيه

-هل يوجد ايميلات شباب فى ايميلك <اختيارى>

-هل انتى محجبة

-وشو ناوية تدخلى فى الجامعة عند نجاحك ان شاء الله

-ما هى وظيفة والدك

بكفى هيك

ولكو شككتوني بحالي

مو طالعة يعني مو طالعة

وين الرد عأسئلة عاشقة المجاهدين
احكولي ايش جاوبت

بعدين النت هاد يمكن الصيام مأثر عليه
بس هو وشات وشات

اقتباس :: -لو انتى المدير العام على الملتقى شو كنتى حتغيرى فيه

ما شاء الله عليكم
ما بتقصرو
ما في شي محدد

-هل يوجد ايميلات شباب فى ايميلك <اختيارى>
اخي و ابن خالي فقط

-هل انتى محجبة
لا ولو شو هالسؤال
طبعا وبلبس جلباب

-وشو ناوية تدخلى فى الجامعة عند نجاحك ان شاء الله

باذن الله انا حابة IT بس بابا حبب طب اسنان

-ما هى وظيفة والدك

معلم

أهلا بك من جديد أختى الغالية

وإليك أسئلتى:

س1. كيف تقضين وقت فراغك؟؟

س2. من هو قدوتك فى الحياة؟؟

س3. ما هى أفضل أوقاتك فى اليوم؟؟

س4. صفى مزاجك بشكل عام؟؟

س5. لمن تبوحى بأسرارك؟؟

بأتمنى ما أكون أثقلت عليكى خيتو

فى أمان الله

اقتباس :: على كرسي الاعتراف
أسئلتي ::
1/ما رأيك بأهل غزة بشكل عام ؟
أحسن وافضل ناس بالعالم
بيرفعوا الراس
ولو تمنيت اني اكون على غير ما انا عليه
لتمنيت ان اكون غزية

2/ما هو سرلقبك (بنت الخطاب)أو بالاحرى بناء على ماذا اخترتي اللقب ؟
أنا احب جدا شخصية عمر بن الخطاب واتمنى ان
ارزق بشاب يشبهه لانه لايوجد مثله
اخخخخ والله زمنا محتاج لخطاب بكفي وبوفي
لهيك انا بتشرف اني اكون بنته

3/كم جزء تحفظين من القرآن؟

اخر ثمانية اجزاء
وبعض المتفرقات

4/ما هي أكتر صفة بتحبيها فيكِ ؟ وما أكتر صفة بتكرهيها؟
ثقتي بنفسي عصبيتي
5/اوصفي نفسك ب 3 كلمات ؟
حازمة وحساسة جدا ومرحة كتيير

6/ماهي نقطة ضعفك؟
عدم قدرتي على التحكم بمشاعري
في بعض الاحيان

7/ماهي الطريقة التي تعبرى فيها عن غضبك؟
مو دايما بنفس الطريقة
مرات بصييييح
مرات بسكت يا ويلكم من سكوتي
ومرات بعيط

****
أرجو ألا أكون أطلت عليكِ
في أمان الله

لا ولو لعيونك [/size]

المرابطة كتب:: أهلا بك من جديد أختى الغالية

وإليك أسئلتى:

س1. كيف تقضين وقت فراغك؟؟
عالانترنت بقرأ بعض الكتب
وبحب الروايات

س2. من هو قدوتك فى الحياة؟؟
اكيد الرسول صلى الله عليه وسلم

س3. ما هى أفضل أوقاتك فى اليوم؟؟
يعني الحمد لله كلها منيحة
بحب كتيييير اقعد
اسمع اذان القجر
وبعدها بقرأ قرآن كتييييييير حلو
شعور رائع

وبحب جمعة الفطور

س4. صفى مزاجك بشكل عام؟؟
فرحانة ومبتسمة حتى لو كنت داخليا حزينة
او مجروحة
بس ديرو بالكم من عصبيتي

س5. لمن تبوحى بأسرارك؟؟
يعني يمكن خواتي اكتر شي
وفي اسرار بصراحة
بيني وبين نفسي فقط

بأتمنى ما أكون أثقلت عليكى خيتو

انا بالخدمة يا حلو

فى أمان الله

هل ندمت فحياتك على شي معيّن ؟؟؟

شو أصعب المواقف اللي مريتي بها ؟

هل أنت أنسانه متسامحه فى الحياة و هل تنسي الاساءه بسرعه ؟

ضيف المعارك كتب:: هل ندمت فحياتك على شي معيّن ؟؟؟

اه ندمت على اشياء كثيرة

شو أصعب المواقف اللي مريتي بها ؟

مرة بنت بالمدرسة اتهمتني اني حاكية عليها
وانا طبعا اول مرة بسمع بهالحكي
صيحت علي وعلت صوتها ,حاولت اهديها
اصلا ما كنت فاهمة القصة انا
طلبت منها تهدا وما تغلط علي
ما ردت ضلت تصيح وتغلط
وتتهجم علي
فما تمالكت اعصابي
وضربتها
وفي فترة قصيرة انتشر الخبر
وتاني يوم المديرة استدعتنا للتحقيق
ما بتصوروا كم كان موقفي محرج
المديرة بتحكيلي:" انت ؟انت تعملي هيك؟
لما حكولي بنات ضربوا بعض توقعت اشوف حد تاني "

خصوصا انو جاءت المشكلة بعد فترة نشاط رهيبة لي فالمدرسة
استلمت عرافة احتفال
والقيت عدة قصائد
وشويت اعمال لا منهجية
وطبعا يعني زي ما بتعرفوا اني كمان شاطرة
يعني كنت مشهورة جدا
المعلمات كلهم والسكرتية والمديرة ما صدقوا

كنت في غاية الاحراج ومن لما دخلت الادارة
لحتى ما طلعت وانا ابكي
وقتها ندمت اشد الندم لما رفعت ايدي

بس بعدين اخدتني في اخر الدوام المعلمة عالمديرة
تشوف القائي بقصيدة

كنت رايحة ومنزلة راسي

لما دخلت حكت المديرة
"اجت احلى بنت , محترمة وانا بحبها "

عرفت وقتها انهم كانوا مصدقيني
وعارفين اني مظلومة

هل أنت أنسانه متسامحه فى الحياة و هل تنسي الاساءه بسرعه ؟
متسامحة نعم
بس انسى الاساءة بنسى
بس مش بسرعة

شوف هاي البنت اللي عملتلي المشكلة
تصالحنا انا واياها طبعا
وانا مو حاقدة عليها بالمرة
برغم كل شي

وهديك اليوم لقيتها واخدتها بالاحضان
لانو انا تأسفتلها وهي تأسفتلي
وتراجعت عن غلطها

والله موقف صعب ...

بس الحمد لله الله بيحبك
وربنا ما بيتخلى عن عباده الصالحين الطيبين
******
سؤالين خفاف..بس
ما هي القناة التلفزيونية المفضلة لديك؟

ما هي أكثر سورة في القرآن تكوني مستمتعة وخاشعة عندما تتليها؟

الله يبارك فيك
و الحمد لله ياا غالية انو انحلت المشكلة
بالمنناسبة شخصيتك اعجبتني جدا
تحياتي لصاحب الموضوع

لا احنا ولا هالسؤال الى فتح المواجع

بس عارفة

انا متأكد انك لمن تتذكرى القصة تضحكى لانها الان ذكرى وحلوة كمان

يلا اتعيشى وتوكلى غيرها

ههههههههههههههههه

اسف على المزحة

عاشقة المجاهدين كتب:: والله موقف صعب ...

بس الحمد لله الله بيحبك
وربنا ما بيتخلى عن عباده الصالحين الطيبين

الحمد لله
******
سؤالين خفاف..بس
ما هي القناة التلفزيونية المفضلة لديك؟
توقعت تسألوا هالسؤال
واستغربت انو لهلأ ما انطرح
احب قنوت كثير
اكتر شي بتابع الجزيرة
وبحضر عالاقصى واقرأ
العفاسي ..الرسالة
يعني بحب التغييير

ما هي أكثر سورة في القرآن تكوني مستمتعة وخاشعة عندما تتليها؟
كلها خير وبركة
أستمتع اكتر شي بسورة يوسف والزمر

سحر داوود كتب:: الله يبارك فيك
و الحمد لله ياا غالية انو انحلت المشكلة
بالمنناسبة شخصيتك اعجبتني جدا
تحياتي لصاحب الموضوع

مشكورة حبيبتي

ونسأل الله ان نكون عند حسن الظن

المهاجر كتب:: لا احنا ولا هالسؤال الى فتح المواجع

بس عارفة

انا متأكد انك لمن تتذكرى القصة تضحكى لانها الان ذكرى وحلوة كمان

يلا اتعيشى وتوكلى غيرها

ههههههههههههههههه

اسف على المزحة

لا ولو ليش الاسف
مشكوووووووووور عالمرور